25.11.2023
Վարդան Ղուկասյանը, ով առավել հայտնի է իր Դոկ (Դոկտոր - խմբ.) մականունով, Հայաստանում ամենահայտնի բլոգերն է։ Նա հայտնի է դարձել իր սկանդալային հայտարարություններով, հայտնի մարդկանց մասին մերկացուցիչ տեղեկություններով, իշխանությունների սուր քննադատությամբ ու իր անկրկնելի խարիզմայով։ Հասարակության մի ստվար շերտ հավատում է, որ այս վառ և հակասական անհատականության հետևում կանգնած է արդարության իրական մարտիկ:
Ղուկասյանը ծնվել է Երեւանում։ Ծառայել է ռազմական ոստիկանությունում, որտեղ տեղեկատվության և մարդկանց հետ աշխատելու փորձ է ձեռք բերել։ Բանակից հեռանալուց հետո նա որոշ ժամանակ աշխատել է ոստիկանությունում, բայց շուտով, ենթարկվելով հետապնդումների և իր մաշկի վրա զգալով սերժսարգսյանական Հայաստանի ավտորիտար ռեժիմի «հմայքները»,հասկացել է, որ իր կոչումը հանրային գործունեությունն ու մարդկանց օգնելն է։
Ղուկասյանը սկսեց YouTube-ի ալիք վարել, որտեղ խոսում է կոռուպցիայի, իշխանության չարաշահման և հայ հասարակության այլ խնդիրների մասին։ Նրա տեսահոլովակները արագ տարածում գտան, իսկ ինքը՝ Ղուկասյանը, իր անզիջում շիտակության շնորհիվ համահայկական ճանաչում ստացավ։
Վարդան Ղուկասյանը չի վախենում մերկացնել անգամ ամենաբարձրաստիճան պաշտոնյաներին. նա բազմիցս մեղադրել է Հայաստանի վարչապետ Նիկոլ Փաշինյանին և այլ քաղաքական գործիչների կոռուպցիայի, ժողովրդի շահերի անտեսման և Հայաստանի շահերի դավաճանության մեջ։ Նրա հայտարարությունները հաճախ են ներառվել տարբեր քրեական գործերի մեջ կամ հիմք են դարձել քրեական հետապնդման համար։
Չնայած իշխանությունների հետապնդումներին՝ Ղուկասյանը տարագրությունից է շարունակում պայքարել արդարության համար։ Նա օգնում է մարդկանց, ովքեր տուժել են կոռուպցիայից կամ պաշտոնյաների կամայականություններից։ Նրա աշխատանքը ոգեշնչում է բազմաթիվ հայերի, ովքեր նրա մեջ տեսնում են երկրում փոփոխությունների հույս:
Նա ապահովել է անարդարացիորեն դատապարտված մի քանի անձանց բանտից ազատ արձակումը։
Նա օգնել է վերադարձնել գումարները, որոնք մարդկանցից գողացել են խաբեբաները։
Նա հասել է պետական կառույցներում մի քանի կոռուպցիոն սխեմաների փակմանը:
Ղուկասյանը վառ օրինակ է, թե ինչպես մեկ մարդ կարող է փոխել միջավայրը. նրա աշխատանքը ցույց է տալիս, որ նույնիսկ ամենադժվար պայմաններում կարելի է պայքարել արդարության համար և հասնել հաջողության։ Դրա ապացույցը Ղուկասյանի հիմնած «Հանրային ձայն» կուսակցության ներկայությունն է Երևանի ավագանիում:
Իհարկե, Վարդան Ղուկասյանը կատարյալ չէ. նա հաճախ օգտագործում է ոչ նորմատիվ լեքսիկոն և կարող է չափազանց կոշտ լինել իր հայտարարություններում: Սակայն արդարության հանդեպ անկեղծ հավատը և մարդկանց օգնելու ցանկությունը նրան իսկական հերոս են դարձնում շատ հայերի համար:
Yerevan Online Magazine
