29.08.2024
Կան գրքեր, որոնք զգուշորեն շոշափում են հոգու խորքերը՝ մեր մեջ արթնացնելով այն, ինչը վաղուց մոռացված էր թվում: Լիա Ավետիսյանի «Ֆենթըզի ժանրը հայկական գավառում» գիրքն այդպիսին է։ Այն ընթերցողի համար պատուհան է բացում դեպի հայի հոգու աշխարհ, որտեղ ամեն քայլափոխի հրաշքներ են հանդիպում, իսկ հայի էության դրսեւորումները դառնում են իրական բացահայտումներ։
Լիա Ավետիսյանը եզակի հայուհի է, ում անունը վաղուց դարձել է խորը գիտելիքների և իր ժողովրդի հանդեպ անսահման սիրո խորհրդանիշ։ Նա իմաստության և հայկական բառ ու բանի նուրբ ըմբռնողն ու փոխանցողն է։ Նրա հետազոտությունները մեզ սուզում են հայկական մշակույթի, պատմության խորքերը, որտեղից Լիա Ավետիսյանը քաղում է ամենախոսուն մանրուքները, որոնք բացահայտում են հայի էությունը։ Սրանք պատմություններ են այն մասին, թե ինչպես են հայ մարդուն միշտ ուղեկցող ստեղծագործ բնույթն ու բարությունը, իմաստությունն ու ոգեղենությունը ձգողականության ուժով մոտեցնում իրական հրաշքներ, որոնք անխուսափելիորեն կատարվում են հայի կյանքում:
Գրքի յուրաքանչյուր էջ ճանապարհորդություն է դեպի ֆենթըզի-աշխարհ, որտեղ հայը դառնում է օգնական երկնակամարում սավառնող հրեշտակների համար:
Լիա Ավետիսյանի գիրքը պարունակում է նաև պատմություններ այն մասին, թե ինչպես են ժամանակի ընթացքում հայերի մեջ երեխաների կատակները, վեճերը և նույնիսկ կռիվները վերածվում ամուր համագործակցության։ Մանկության խաղերն ու վեճերը խտացնում են այն ուժը, որը, փորձությունների միջով անցնելով, բացահայտվում է մեծերի կյանքում՝ վերածվելով իրական փոխադարձ աջակցության։
Գրքի շնորհանդեսը տեղի կունենա սեպտեմբերի 27-ին, սակայն այժմ հնարավոր է նախապես պատվիրել հենց Լիա Ավետիսյանից՝ Facebook-ում։
Գիրքը նախապատվիրելը նաև աջակցություն կլինի ապագա հրատարակությանը, որպեսզի ավելի ու ավելի շատ մարդիկ կարողանան սուզվել այս հրաշալի աշխարհը:
Նրանց համար, ովքեր հավատում են հայ հոգու հրաշքին ու զորությանը, Լիա Ավետիսյանի գիրքը կդառնա իսկական հոգևոր հենարան։ Եկե՛ք դիպչենք այս հրաշքին, դառնա՛նք այն պատմության մասը, որը Լիա Ավետիսյանը խնամքով հավաքեց բոլորիս համար։
Yerevan Online Mag.
Comments