Ալիև. «Հայաստանը ճանաչել է Ղարաբաղը որպես Ադրբեջանի մաս»:
Փաշինյան. «Մենք պայմանավորվել ենք տարածքային ամբողջականության ճանաչման շուրջ»:
25.05.2023
Հայաստանն ու Ադրբեջանը պայմանավորվել են տարածքային ամբողջականության փոխադարձ ճանաչման շուրջ. Այս մասին հայտարարել է Հայաստանի վարչապետ Նիկոլ Փաշինյանը Մոսկվայում Եվրասիական տնտեսական բարձրագույն խորհրդի նիստի ժամանակ։
Սրա հիման վրա երկրները «լավ առաջընթաց են գրանցում» հարաբերությունների կարգավորման ուղղությամբ, նշել է նա։
Ադրբեջանի նախագահ Իլհամ Ալիևը հայտարարել է, որ Բաքուն տարածքային պահանջներ չունի Հայաստանից։ Նրա խոսքով, երկրները հնարավորություն ունեն խաղաղ համաձայնության գալու՝ «հաշվի առնելով, որ Հայաստանը ճանաչել է Ղարաբաղը որպես Ադրբեջանի մաս»։
Ավելի վաղ Երեւանում կայացած մամուլի ասուլիսում Փաշինյանը հայտարարել էր, որ ճանաչում է Ադրբեջանի տարածքային ամբողջականությունը, որը ներառում է Լեռնային Ղարաբաղը։
Ալիևը նաև հավելել է, որ հարաբերությունների կարգավորման լուրջ նախադրյալներ կան՝ ելնելով այն փաստից, որ երկրները ճանաչում են միմյանց տարածքային ամբողջականությունը։
